O programa de apoio á función xerencial que Eixo promove conta coa colaboración das seguintes entidades:

Fundación Caixanova:

Organismo que ten por obxecto o impulso, xestión e desenvolvemento daquelas actuacións culturais, cívicas, didácticas e educativas, científicas, socio económicas e demais análogas de interese xeral que, a iniciativa propia ou a proposta doutras institucións, fundacións ou organismos, estima necesarios ou convintes para o desenvolvemeto socio cultural e económico de Galicia.
Iso adquire especial relevancia no marco do seu compromiso cos axentes da economía social.

Consellería de Traballo:

Departamento da Xunta da Galicia que vén apoiando iniciativas conducentes a unha política de promoción do cooperativismo e a economía social en xeral.
Nestas políticas se enmarcan as ordes e convocatorias polas que se desenvolven os programas de promoción e divulgación do cooperativismo e da economía social, e en particular as axudas para o fomento e a consolidación das asociacións de cooperativas.

Instituto de Promoción Económica:

Axencia de desenvolvemento rexional de Galicia que, entre outros obxectivos, fomenta a creación de novas empresas, promove a mellora da produtividade e competitividade das sociedades xa asentadas na Comunidade Galega, atrae investimentos foráneos e facilita a internacionalización do tecido produtivo.